Ֆիբրոադենոմա
Առողջություն եվ գեղեցկություն,  Գիտական բժշկություն

Պայքար ֆիբրոադենոմայի դեմ

Հուլիսի 7, 2014

Ֆիբրոադենոման բարորակ ուռուցք է, որը բաղկացած է կաթնագեղձի  շարակցական եւ գեղձային հյուսվածքներից: Ֆիբրոադենոման ավելի հաճախ է հանդիպում 15 — 30 տարեկան երիտասարդ կանաց մոտ եւ կարող է լինել բալի հատիկից սկսած մինչեւ խնձորի չափի: Այդ գոյացությունը  կարելի է հանգիստ շոշափել եւ նույնիսկ շարժել կաթնագեղձի  մաշկի տակ, հետեւաբար ախտորոշումը բարդություն չի  ներկայացնում:

Սովորաբար ֆիբրոադենոմաները լինում են մի քանիսը, նրանք առաջանում են կրծքագեղձի տարբեր հատվածներում:  Ավելի ճշգրտորեն ֆիբրոադենոման ի հայտ է գալիս ուլտրաձայնային  հետազոտման (ՈՒՁՀ), մամոգրաֆիայի, բիոպսիայի ժամանակ:  Բիոպսիան, մասնավորապես, անցկացվում է կրծքի քաղցկեղը  բացառելու նպատակով:

Վաճառվում է ՆԻՇԱՍՏԱ
Հեռ.՝ 091-517207

Ֆիբրոադենոմայի  բուժումը
Շատ հաճախ հորմոնալ ֆոնի տատանման հետեւանքով ֆիբրոադենոման ինքնուրույն ներծծվում է: Դեպքերի կեսի ժամանակ դա տեղի է  ունենում 5 տարվա ընթացքում: Այսպիսով, ֆիբրոադենոմայի  բուժումը հիմնականում այն հետեւողականորեն  զննելն է:
Որոշ դեպքերում խորհուրդ է տրվում գոյացության վիրաբուժական  հեռացում:

Ի՞նչ  կերպ  է  արտահայտվում  ֆիբրոադենոման
Սովորաբար կինն ինքն է հայտնաբերում ֆիբրոադենոման: Այդ  նորագոյացությունն իրեն զգացնել է տալիս իբրեւ “գնդիկ”, որն  ունի հարթ մակերես, հստակ շրջագիծ: Որպես կանոն,  ֆիբրոադենոման շարժուն է: Մի շարք դեպքերում ֆիբրոադենոման  արագորեն աճում է (երկու — երեք անգամ մի քանի ամսվա  ընթացքում):

Ֆիբրոադենոման վերածվում է արդյո՞ք քաղցկեղի
Ո՛չ: Ֆիբրոադենոման չի վերածվում քաղցկեղի: Գիտական  գրականության մեջ քննարկվում է չարորակ ուռուցքի վերածման  հարցը, սակայն եղած դեպքերի թիվն այնքան փոքր է, որ հազիվ թե  հնարավոր լինի խոսել որեւէ լուրջ ռիսկի մասին: Մի շարք  գիտնականներ առհասարակ կասկածելի են համարում ֆիբրոադենոմայի՝  քաղցկեղի վերածվելու հավանականությունը:

Ի՞նչ  է  ֆիլլոիդ  ֆիբրոադենոման
Ֆիլոիդ կամ տերեւաձեւ ուռուցքը կաթնագեղձի բարորակ  ուռուցքների առանձնահատուկ տարատեսակ է: Բնութագրվում է արագ աճով եւ սարկոմայի վերածվելու հնարավորությամբ  (քաղցկեղի պես չարորակ ուռուցք է):

Կարելի՞ է արդյոք ֆիբրոադենոման  բուժել դեղորայքով
Ո՛չ: Թե՛ խմելու համար նախատեսված հակաբեղմնավորիչները, թե՛  հորմոններ պարունակող պատրաստուկները, եւ թե՛ ցանկացած այլ  դեղամիջոց, այդ թվում նաեւ հոմեոպաթիկ միջոցները, չեն կարող  վերացնել  ֆիբրոադենոման:

ֆիբրոադենոման ազդո՞ւմ է արդյոք, հղիության վրա
Ֆիբրոադենոման ոչ մի կերպ չի ազդում հղիության վրա:   Եթե ցուցված չէ վիրահատություն, ապա հղիությունը (գոյություն  ունեցող կամ ծրագրվող) չի կարող ցուցանիշ ծառայել վիրահատական  միջամտության համար: Սակայն կարեւոր է իմանալ, որ հղիության  ընթացքում ֆիբրոադենոման, հորմոնների փոփոխվող մակարդակի  ազդեցության ներքո, կարող է աճել: Դա կարող է պատճառ  հանդիսանալ այն հեռացնելու համար:

Պե՞տք է արդյոք հեռացնել ֆիբրոադենոման
Գոյություն ունեն ֆիբրոադենոման հեռացնելու ցուցումներ:
Քաղցկեղի կասկած (ֆիբրոադենոման կարող է կեղծագործել  քաղցկեղ ինչպես զննելու, այնպես էլ մամոգրաֆիայի կամ ՈՒՁՀ  միջոցով հետազոտվելու ժամանակ):
Ֆիբրոադենոմայի արագ աճ (խոշոր ուռուցքների  հեռացումը երբեմն հանգեցնում է կոսմետիկ թերությունների, ֆիբրոադենոմայի չափազանց արագ աճի դեպքում նրա հեռացումը  կանխարգելում է նշված հետեւանքները):
Ֆիբրոադենոմայի խոշոր չափեր, որոնք կարող են առաջացնել  կոսմետիկ թերություն:

Ֆիբրոադենոմայի բուժման համար ժողովրդական բժշկությունն առաջարկում է շատ արդյունավետ բաղադրատոմս

Այս թուրմը պատրաստելու համար անհրաժեշտ է. 50 — ական գրամ օշինդր,  հազարատերեւուկ, մասուր, սրոհունդ, սոճու բողբոջ, 200 գրամ չագա,  200 գրամ հալվեի հյութ, 200 գրամ կոնյակ կամ սպիրտ, 500 գրամ  մեղր:

Չագան մուրճով մանրացնել՝ նախապես փաթաթելով լաթի մեջ, լցնել  արծնապատ ամանի մեջ, ավելացնել մնացած բույսերը, երեք լիտր եռացրած սառեցրած ջուր, 2 ժամ եփել մարմանդ կրակի վրա՝ չթողնելով, որ եռա (պարբերաբար վերցնել կրակի վրայից): Հետո փաթաթել կաթսան ծածկոցով եւ թողնել մեկ  օր, որից հետո թուրմը քամել, ավելացնել կոնյակը, հալվեն, մեղրը: Այդ  ամենը խառնել ու երեք օր թրմել մութ, զով տեղում: Բուժամիջոցը  պատրաստ է: Այն պետք է ընդունել հետեւյալ կերպ՝ առաջին օրը՝ 1-ական թ.գ., ուտելուց կես ժամ առաջ, այնուհետեւ՝ 1  — ական ճաշի գդալ: Բուժման կուրսը՝ 3 շաբաթից մինչեւ 3 ամիս:

Հեղինակ՝ Անի

Կիսվել
Tweet
Pin
Կիսվել

Հարակից նյութեր

Առողջ եղունգներ
Առողջ եղունգների գրավականը
Օգոստոսի 26, 2014
Գեղեցիկ եղունգներ
Երբ եղունգներն առողջ են
Նոյեմբերի 23, 2014
Պիգմենտային բծեր
Ինչի՞ց են առաջանում պիգմենտային բծերը
Ապրիլի 11, 2019

25 մեկնաբանույթուն

Թողնել պատասխան

Ձեր էլ-փոստի հասցեն չի հրապարակվելու։ Այն նշելը անհրաժեշտ է հետագայում ավելի արագ մեկնաբանություն թողնելու համար։