![Պիլինգ](https://life-okay.com/wp-content/uploads/2019/11/piling.jpeg)
Ի՞նչ գիտեք պիլինգի մասին
Գեղեցիկ, առողջ եւ հարթ մաշկ ցանկանում են ունենալ բոլորը: Գեղեցկության սրահներում առաջարկում են մի շարք արարողակարգեր, որոնց օգնությամբ կարելի է հասնել ցանկալի արդյունքի: Այսօր կխոսենք դրանցից մեկի՝ պիլինգի մասին:
Թեմայի շուրջ զրուցեցինք կոսմետոլոգ Ելենա Սահակյանի հետ:
Վաճառվում է ՆԻՇԱՍՏԱ
Հեռ.՝ 091-517207
—Ի՞նչ է պիլինգը` որպես կոսմետիկ միջամտություն:
-Մաշկն ունի 5 շերտ, վերևի շերտը ենթարկվում է մեռուկացման, եւ պիլինիգի նպատակն է հեռացնել հենց այդ եղջերացած շերտի մեռած բջիջները «պիլինգ» անգլերեն «peel»` քերել բառից է): Պիլինգի արդյունքում բարձրանում է մաշկի տոնուսը, այն սկսում է շնչել, բարելավվում է դեմքի գույնը, ավելորդ ճարպերը դուրս են գալիս: Սակայն ակնհայտ արդյունք ստանալու համար պետք է պիլինգը հետևողական գործընթացով կրկնել` շաբաթը 1 անգամ հաճախականությամբ:
—Պիլինգն ունի՞ տեսակներ:
-Այո: Այն ունի մի քանի տեսակներ: Օրինակ՝ «հոլիվուդյան մաքրումը» կատարվում է կոնկրետ նյութերով պատրաստված դիմակներով ու քսուքներով: Քիմիական պիլինգը կիրառվում է միայն ցուրտ ժամանակ եւ կատարվում է բուսական ֆերմենտների, կիտրոնաթթվի, խնձորաթթվի լուծույթներով: Ֆերմենտային պիլինգ եւ լազերային պիլինգը կիրառվում են լաքաների հեռացման նպատակով: Ռադիոալիքային, ուլտրաձայնային, մեխանիկական պիլինգները կատարվում են դեմքի համար նախատեսված սկրաբային միկրոգնդիկների, նշի մանրացված կճեպի և մի շարք այլ նյութերի միջոցով:
—Արդյո՞ք պիլինգն անվնաս միջոց է:
-Այո, անվնաս է, բայց բարակ մաշկ ունեցողներին չի թույլատրվում ուժեղ սեղմումներով պիլինգ կատարել: Եթե այդ գործընթացը գրագետ անցկացվի, օգտավետ կլինի: Աղջիկները հաճախ ընկերուհիներով հավաքվում են, որոշում դիմակներ դնել. մեկին դա հիանալի օգնում է, մյուսին` ոչ, իսկ երրորդին կարող է անգամ վնասել` կարմրածություն, բշտիկներ առաջացնելով: Այդ կերպ է նաև պիլինգը` ամեն մաշկ իրենն է պահանջում:
—Կախված մաշկի տեսակից` կա՞ն պիլինգի կիրառման առանձնահատկություններ:
-Ամեն դեպքում միակ տարբերությունը կիրառման հաճախականությունն է, յուղոտ մաշկի համար` շաբաթը մեկ անգամ, չոր մաշկին` 10 օրը կամ 2 շաբաթը մեկ անգամ: Մի առանձնահատկություն ևս` պիլինգից հետո յուրաքանչյուր մաշկին դրվում է համապատասխան դիմակ:
Հեղինակ՝ Էթերի Մամուլյան
![Մարել է ցանկությունը](https://life-okay.com/wp-content/uploads/2019/11/marel-e-cankutyun@-75x75.jpg)
Երբ մարել է ցանկությունը
Հարակից նյութեր
![Ձերքի վարժություններ](https://life-okay.com/wp-content/uploads/2019/03/dzerq-varj-500x380.jpg)
Մերսումն ընդդեմ ալերգիայի
Ապրիլի 7, 2019![Պիլինգ](https://life-okay.com/wp-content/uploads/2019/11/piling-500x380.jpg)
Պիլինգն ունի հակացուցումներ
Նոյեմբերի 25, 2019![Գեղեցիկ աչքեր](https://life-okay.com/wp-content/uploads/2019/03/gexecik-achqer-500x380.jpg)