Ինչպե՞ս բարձրացնել սերմնաբջջի ակտիվությունը

Ինչպիսի՞ միջոցներ կան տղամարդու սերմնաբջջի ակտիվացման համար:
Մշտական ընթերցող, ք. Երեւան

Սերմնաբջջի քանակը եւ որակը կախված է սեռական հարաբերության հաճախականությունից, սննդից եւ տղամարդու տարիքից:

Սերմնաբջջի գլխիկը հարուստ է նուկլեոպրոտեիդներով, ընդ որում, ԴՆԹ-ին բաժին է ընկնում 40 տոկոսը:

Պոչուկը կառուցված է թարթիչավոր ֆիբրիլներից եւ պարունակում է միոզինոնման սպիտակուցներ: Սերմնաբջիջները հարուստ են նաեւ լիպիդներով, ֆերմենտներով: Սերմնաբջջի տեսակարար կշիռը տատանվում է 1.021-1.040:

Սերմնաբջիջները հարուստ են կալիումով, որի քանակը 10-20 անգամ ավելի է, քան արյան շիճուկում:

Սերմնաբջիջներն արտազատում են կաթնաթթու, ամոնիակ եւ ացետոնային մարմիններ:

Նրանց ակտիվության բարձրացման համար անհրաժեշտ է սպիտակուցների, հիմնականում մսեղենի ընդունում:
Կաթնաշոռը, կաթը, ընդեղենը  նույնպես օգտակար են սերմնաբջիջների ակտիվության բարձրացման համար:
Օգտակար է նաեւ կաղինը, ընկույզը:

Հեղինակ` Ե. Հովհաննիսյան