Գեղեցիկ պարանոցի գաղտնիքը

Գեղեցիկ պարանոց ունենալու համար կան տարբեր միջոցներ:  Գեղեցկությունը եւ երիտասարդությունը կարելի է պահպանել նաև վարժությունների օգնությամբ: Ստորեւ ներկայացվող միջոցը մատչելի է բոլորին, այն կարելի է կատարել թե՛ տանը, թե՛ աշխատավայրում:

Այդ նպատակով կատարի՛ր հետեւյալ վարժությունները.

1. Կանգնի՛ր ուղիղ, գլուխդ հետ գցիր: Բացի՛ր բերանդ, այնուհետեւ փակիր այն` ամուր սեղմելով ծնոտներդ: Կրկնի՛ր յոթ անգամ: Այս վարժությունը մարզում է դեմքի եւ պարանոցի մկանները: Եթե պարբերաբար կատարես այն, <երկրորդ> կզակ չի առաջանա:
2. Գլուխդ հետ տար, ապա դանդաղ, մինչեւ վերջ թեքի՛ր դեպի ձախ, հետո` աջ, կատարի՛ր հինգ անգամ:
3. Գլուխդ հետ տար, ապա դանդաղ թեքիր առաջ՝ փորձելով դնչով դիպչել  պարանոցի փոսիկին։:              Ուշադրություն,  որպեսզի չխախտես պարանոցիդ ողները, վարժությունները կատարիր դանդաղ եւ առանց կտրուկ շարժումների: Գլխի շարժումները պետք է լինեն հանգիստ եւ անցավ:
4. Վարժություններից բացի, շատ կարևոր է գեղեցկության պահպանման համար կիրառել  բնական  միջոցներ՝ դրանք և՛ առողջարար են, և՛ մատչելի, և՛, ամենակարևորը, անվտանգ։

Աղբյուր` Տնային Առողջարան